-
peresat zarathushtrô
ahurem mazdăm, ahura-mazda mainyô spęnishta dâtare gaęthanăm astvaitinăm
ashâum, cit avat vacô âs ahura-mazda ýat mę frâvaocô
-
para asmem para âpem para
zăm para găm para urvarăm para âtrem ahurahe mazdĺ puthrem para narem
ashavanem para daęvâishca xrafstrâish mashyâishca para vîspem ahűm
astvańtem para vîspa vohu mazdadhâta ashacithra.
-
âat mraot ahurô mazdĺ,
bakha aęsha âs ahunahe vairyehe spitama zarathushtra ýat tę frâvaocem
-
para asmem para âpem para
zăm para găm para urvarăm para âtrem ahurahe mazdĺ puthrem para narem
ashavanem para daęvâishca xrafstrâish mashyâishca para vîspem ahűm
astvańtem para vîspa vohu mazdadhâta ashacithra!
-
hâ-mę bakha ahunahe
vairyehe spitama zarathushtra anapyűxdha anapishűta srâvayamna satem paiti
anyaęshăm rathwăm gâthanăm anapyűxdhanăm anapishűtanăm srâvayamnanăm, âat
aipyűxdha aipishűta srâvayamna dasa paiti anyę ratavô.
-
ýasca mę aętahmi anghvô
ýat astvaińti spitama zarathushtra bakhăm ahunahe vairyehe marât frâ-vâ
manô dreńjayât frâ-vâ dreńjayô srâvayât frâ-vâ srâvayô ýazâite thrîshcit
tarô peretűmcit hę urvânem vahishtem ahűm frapârayeni azem ýô ahurô mazdĺ
â vahishtât anghaot â vahishtât ashât â vahishtaęibyô raocębyô.
-
ýasca mę aętahmi anghvô
ýat astvaińti spitama zarathushtra bakhăm ahunahe vairyehe dreńjayô
aparaodhayete ýat vâ naęmem ýat vâ thrishum ýat vâ cathrushum ýat vâ
pangtanghum pairi-dim tanava azem ýô ahurô mazdĺ urvânem haca vahishtât
anghaot, avavaitya băzasca frathasca pairi-tanuya ýatha îm zĺ, astica îm
zĺ avaiti băzô ýavaiti frathascit.
-
fraca aętat vacô vaoce
ýat ahumat ýat ratumat para avainghe ashnô dĺnghôit para âpô para zemô
para urvarayĺ para gęush cathware-paitishtânayĺ dĺnghôit para narsh
ashaonô bipaitishtânahe zăthât para avainghe hű thwarshtô kehrpya ape
ameshanăm speńtanăm dâhîm!
-
frâ-mę spanyĺ manivĺ
vavaca vîspăm ashaonô stîm haitîmca bavaińtîmca bűshyeińtîmca
shyaothnô-tâitya, shyaothenanăm anghęush mazdâi.
-
aętatca aęshăm uxdhanăm
uxdhôtemem ýâish ýava fraca vaoce fraca mruyę fraca vaxshyete, asti zî ana
avavat uxdhata ýatha ýat dit vîspô anghush astvĺ âsaxshat saxshăs dadrânô
nî pairi irithyăstâtat haraite!
-
aętatca nô vacô frâvaoce
saxshaęmca hishmâirîmca ýathna kahmâicit hâtăm ashât haca ýat vahishtât.
-
ýatha frâ-idha âmraot ýat
dim ahűmca ratűmca âdadat, itha dim para-cinasti ýim ahurem mazdăm
manas-paoiryaęibyô dâmabyô, ýatha îm vîspanăm mazishtem cinasti atha ahmâi
dâmăn cinasti.
-
ýatha mazdĺ hujîtîsh
vanghęush idha thritîm tkaęshem âdreńjayeiti dazda mananghô para îm idha
mananghe cinasti ýatha fradaxshtârem mananghe, mananghô aętavaitya îm
kârayeiti, shyaothenanăm idha ahűm kârayeiti.
-
ýat dim dâmabyô cinasti
mazda itha tem ýat ahmâi dâmăn, xshathrem ahurâi cinasti, tat mazda tava
xshathrem, drigubyô vâstârem cinasti, ýatha urvathem spitamâi, pańca
tkaęsha, vîspem vacô fravâkem haurum vacô ahurahe mazdĺ!
-
vahishtô ahurô mazdĺ
ahunem vairîm frâmraot vahishtô hâmô kârayat, hithwat akô abavat ańtareca
drvańtem âmrűta aya ańtare-uxti, nôit nâ manĺ nôit sangha nôit xratavô
naędha varena nôit uxdha naędha shyaothna nôit daęnĺ nôit urvănô hacińte!
-
aętatca vacô mazdaoxtem
thri-afsmem cathru-pishtrem pańca-ratu râiti hańkerethem, kâish hę afsmăn,
humatem hűxtem hvarshtem.
-
kâish pishtrâish, âthrava
rathaęshtĺ vâstryô fshuyăs hűitish vîspaya irina hacimna naire ashaone
arshmanangha arshvacangha arshshyaothna, ratush mereta daęnô-sâca ýenghe
shyaothnâish gaęthĺ asha frâdeńte.
-
kaya ratavô, nmânyô vîsyô
zańtumô dâh'yumô zarathushtrô puxdhô ĺnghăm dah'yunăm ýĺ anyĺ rajôit
zarathushtrôit, cathru-ratush rakha zarathushtrish, kaya ainghĺ ratavô,
nmânyasca vîsyasca zańtumasca zarathushtrô tűiryô.
-
kat humatem, ashavanem
manaspaoiryô, kat hűxtem, măthrô speńtô, kat hvarshtem, staotâish
asha-paoiryâishca dâmębîsh.
-
mazdĺ frâmraot, cîm
frâmraot, ashavanem mainyaomca gaęthîmca, cvăs frâmraot fravâkem, vahishtô
xshayamnô,cvańtem, ashavanem vahishtemca avasô-xshathremca!
-
bakhăm ahunahe vairyehe
ýazamaide, ahunahe vairyehe ýazamaide frasraothremca framarethremca
fragâthremca frâyashtîmca, ýenghę hâtăm âat ýesnę paitî ... !!
