-
(zôt u râspî,) ashem vohű
vahishtem astî ... (3)! (zôt,) ashaya dadhămi hvarethem myazdem haurvata
ameretâta gâush hudĺ xshnűmaine ahurahe mazdĺ ameshanăm speńtanăm,
xshnűmaine sraoshahe ashyehe ashivatô verethrâjanô frâdat-gaęthahe.
-
ashaya dadhămi haomemca
para-haomemca xshnűmaine zarathushtrahe spitâmahe ashaonô fravashęe,
ashaya dadhămi aęsmă baoidhi xshnűmaine tava âthrô ahurahe mazdĺ puthra.
-
ashaya dadhămi haomi
xshnűmaine aiwyô vanguhibyô apăm vanguhînăm mazdadhâtanăm, ashaya dadhămi
âpem haomyăm, ashaya dadhămi găm jîvyăm, ashaya dadhămi urvarăm
hadhânaępatăm ashaya uzdâtăm xshnűmaine apăm mazdadhâtanăm.
-
ashaya dadhămi imat
baresma hadha-zaothrem hadha-aiwyĺnghanem ashaya frastaretem xshnűmaine
ameshanăm speńtanăm, ashaya dadhămi vâca humata hűxta hvarshta, ashaya
dadhămi gâthanămca sraothrem, ashaya dadhămi hvarshtĺ măthrĺ, ashaya
dadhămi imăm anghuyămca ashayămca rathwămca ratufritîmca xshnűmaine
ýazatanăm ashaonăm mainyavanăm gaęthyanăm xshnűmaine havaheca urunô!
-
ashaya dadhămi asnyaęibyô
ashahe ratubyô, hâvanęe ashaone ashahe rathwe, ashaya dadhămi sâvanghęe
vîsyâica ashaone ashahe rathwe, ashaya dadhămi mithrahe vouru-gaoyaotôish
hazangrô- gaoshahe baęvare-cashmanô aoxtô-nâmanô ýazatahe râmanô hvâstrahe.
-
ashaya dadhămi
rapithwinâi ashaone ashahe rathwe, ashaya dadhămi frâdat-fshave zańtumâica
ashaone ashahe rathwe, ashaya dadhămi ashahe vahishtahe âthrasca ahurahe
mazdĺ.
-
ashaya dadhămi
uzayeirinâi ashaone ashahe rathwe, ashaya dadhămi frâdat-vîrâi dâh'yumâica
ashaone ashahe rathwe, ashaya dadhămi berezatô ahurahe nafedhrô apăm
apasca mazdadhâtayĺ.
-
ashaya dadhămi
aiwisrűthrimâi aibigayâi ashaone ashahe rathwe, ashaya dadhămi
frâdat-vîspăm-hujyâtęe zarathushtrôtemâica ashaone ashahe rathwe, ashaya
dadhămi ashâunăm fravashinăm khenănămca vîrô-văthwanăm ýâiryayĺsca
hushitôish amaheca hutâshtahe huraodhahe verethrakhnaheca ahuradhâtahe
vanaińtyĺsca uparatâtô.
-
ashaya dadhămi ushahinâi
ashaone ashahe rathwe, ashaya dadhămi berejyâi nmânyâica ashaone ashahe
rathwe, ashaya dadhămi sraoshahe ashyehe ashivatô verethrâjanô
frâdat-gaęthahe rashnaosh razishtahe arshtâtasca frâdat-gaęthayĺ
varedat-gaęthayĺ!
-
ashaya dadhămi mâhyaęibyô
ashahe ratubyô, ańtaremĺnghâi ashaone ashahe rathwe, ashaya dadhămi
perenô-mĺnghâi vîshaptathâica ashaone ashahe rathwe!
-
ashaya dadhămi
ýâiryaęibyô ashahe ratubyô, maidhyôizaremayâi ashaone ashahe rathwe,
ashaya dadhămi maidhyôishemâi ashaone ashahe rathwe, ashaya dadhămi
paitishhahyâi ashaone ashahe rathwe, ashaya dadhămi ayâthrimâi
fraourvaęshtrimâi varshniharshtâica ashaone ashahe rathwe, ashaya dadhămi
maidhyâiryâi ashaone ashahe rathwe, ashaya dadhămi hamaspathmaędayâi
ashaone ashahe rathwe, ashaya dadhămi saredhaęibyô ashahe ratubyô.
-
ashaya dadhămi vîspaęibyô
aęibyô ratubyô ýôi heńti ashahe ratavô thrayasca thrisăsca nazdishta
pairishhâvanayô ýôi heńti ashahe ýat vahishtahe mazdô-frasâsta
zarathushtrô-fraoxta!
-
ashaya dadhămi ahuraęibya
mithraęibya berezańbya aithyajanghaęibya ashavanaęibya stârămca
speńtô-mainyavanăm dâmanăm tishtryeheca stârô raęvatô hvarenanguhatô
mĺnghaheca gaocithrahe hvareca xshaętahe aurvat-aspahe dôithrahe ahurahe
mazdĺ mithrahe dah'yunăm dainghupatôish, ashaya dadhămi (...rôz...)
ahurahe mazdĺ raęvatô hvarenanguhatô, ashaya dadhămi ( ... mâh ... )
ashâunăm fravashinăm!
-
ashaya dadhămi tava âthrô
ahurahe mazdĺ puthra mat vîspaęibyô âterebyô, ashaya dadhămi aiwyô
vanguhibyô vîspanămca apăm mazdadhâtanăm vîspanămca urvaranăm
mazdadhâtanăm!
-
ashaya dadhămi măthrahe
speńtahe ashaonô verezyanguhahe dâtahe vîdaęvahe dâtahe zarathushtrôish
darekhayĺ upayanayĺ daęnayĺ vanghuyĺ mâzdayasnôish.
-
ashaya dadhămi garôish
ushidarenahe mazdadhâtahe ashahvâthrahe vîspaęshămca gairinăm
ashahvâthranăm pouru-hvâthranăm mazdadhâtanăm kâvayeheca hvarenanghô
mazdadhâtahe ahvaretaheca hvarenanghô mazdadhâtahe, ashaya dadhămi ashôish
vanghuyĺ cistôish vanghuyĺ erethę vanghuyĺ rasăstâtô vanghuyĺ hvarenanghô
savanghô mazdadhâtahe.
-
ashaya dadhămi dahmayĺ
vanghuyĺ âfritôish dahmaheca narsh ashaonô ukhraheca taxmahe dâmôish
upamanahe ýazatahe!
-
ashaya dadhămi ĺnghăm
asanghămca shôithranămca gaoyaoitinămca maęthananămca avô-hvarenanămca
apămca zemămca urvaranămca ainghĺsca zemô avaingheca ashnô vâtaheca
ashaonô străm mĺnghô hűrô anakhranăm raocanghăm hvadhâtanăm vîspanămca
speńtahe mainyęush dâmanăm ashaonăm ashaoninămca ashahe rathwăm.
-
ashaya dadhămi rathwô
berezatô ýô ashahe, rathwăm ayaranămca asnyanămca mâhyanămca ýâiryanămca
saredhanămca ýôi heńti ashahe ratavô, hâvanôish rathwô!
-
ashaya dadhămi (zôt u
râspî,) hvarethem myazdem haurvata ameretâta gâush hudĺ xshnűmaine
sraoshahe ashyehe taxmahe tanumăthrahe darshi-draosh âhűiryehe
aoxtô-nâmanô ýazatahe.
-
ashaya dadhămi haomemca
para-haomemca xshnűmaine zarathushtrahe spitâmahe ashaonô fravashęe
aoxtô-nâmanô ýazatahe, ashaya dadhămi aęsma baoidhi xshnűmaine tava âthrô
ahurahe mazdĺ puthra aoxtô-nâmanô ýazatahe. (ashaya dadhămi hvarethem
myazdem ... ýazatahe (2).)
-
ashaya dadhămi ashâunăm
fravashinăm ukhranăm aiwithűranăm paoiryô-tkaęshanăm fravashinăm
nabânazdishtanăm fravashinăm.
-
ashaya dadhămi vîspaęibyô
ashahe ratubyô, ashaya dadhămi vîspaęibyô vanghudhâbyô ýazataęibyô
mainyaoibyascâ gaęthyaęibyascâ ýôi heńti ýasnyâca vahmyâca ashât haca ýat
vahishtât!
-
ashaya-nô paitî jamyât
ýehyâ savâ ishĺńtî râdanghô, thwôi staotarascâ măthranascâ ahura-mazdâ
aogemadaęcâ usmahicâ vîsâmadaęcâ, hyat mîzhdem mavaęthem fradadâthâ
daęnâbyô mazdâ ahurâ, (thwôi staotarascâ ... mazdâ ahurâ (2).)
-
ahyâ hvô nę dâidî ahmâicâ
ahuyę manah'yâica, tat ahyâ ýâ tat upâ jamyâmâ tavâcâ sarem ashah'yâcâ
vîspâi ýavę. ýathâ ahű vairyô athâ ratush ashâtcît hacâ ... (2)!
-
ahunem vairîm ýazamaide,
arshuxdhem vâcim ýazamaide, dahmăm vanguhîm âfritîm ýazamaide, ukhrem
taxmem dâmôish upamanem ýazatem ýazamaide, haurvata ameretâta ýazamaide,
gâush hudĺ ýazamaide, haomemca para-haomemca ýazamaide, aęsmăsca
baoidhîmca ýazamaide, frasasti dahmayĺ vanghuyĺ âfritôish!
-
ýenghę hâtăm âat ýesnę
paitî vanghô mazdĺ ahurô vaęthâ ashât hacâ ýĺnghămcâ tăscâ tĺscâ ýazamaide.
-
(râspî,) ýathâ ahű vairyô
ýô zaotâ frâ-mę mrűtę, (zôt,) athâ ratush ashâtcît haca frâ ashava vîdhvĺ
mraotű!!
