+ AVESTA

-	Yasna
-	Khordeh Avesta
-	Visperad
-	Vendidad
-	Fragments

- 101 NAMES

- ANGELS

- CALENDAR

Introduction

(pa năm i ýazdă)

1. ashem vohű...(1 u 3). fravarâne mazdayasnô zarathushtrish vîdaęvô ahura-tkaęshô, hâvanęe ashaone ashahe rathwe ýasnâica vahmâica xshnaothrâica frasastayaęca, sâvanghęe vîsyâica ashaone ashahe rathwe ýasnâica vahmâica xshnaothrâica frasastayaęca.

2. âthrô ahurahe mazdĺ puthrahe tava âtarsh puthra ahurahe mazdĺ xshnaothra ýasnâica vahmâica xshnaothrâica frasastayaęca.

3. ýathâ ahű vairyô zaotâ frâ-mę mrűtę, athâ ratush ashâtcît haca frâ ashava vîdhvĺ mraotű. ashem vohű...(3). ýathâ ahű vairyô...(2).

4. frastuyę humatôibyascâ hűxtôibyascâ hvarshtôibyascâ măthwôibyascâ vaxedhwôibyascâ varshtvôibyascâ, aibigairyâ daithę vîspâ humatâcâ hűxtâcâ hvarshtâcâ, paitiricyâ daithę vîspâ dushmatâcâ duzhűxtâcâ duzhvarshtâcâ.

5. ferâ vę râhî ameshâ speńtâ ýasnemcâ vahmemcâ ferâ mananghâ ferâ vacanghâ ferâ shyaothanâ ferâ anghuyâ ferâ tanvascît hvah'yĺ ushtanem.

6. staomî ashem, ashem vohű vahishtem astî ushtâ astî ushtâ ahmâi hyat ashâi vahishtâi ashem(3)!

7. fravarâne mazdayasnô zarathushtrish vîdaęvô ahura-tkaęshô, hâvanęe ashaone ashahe rathwe ýasnâica vahmâica xshnaothrâica frasastayaęca, sâvanghęe vîsyâica ashaone ashahe rathwe ýasnâica vahmâica xshnaothrâica frasastayaęca, rathwăm ayaranămca asnyanămca mâhyanămca ýâiryanămca saredhanămca ýasnâica vahmâica xshnaothrâica frasastayaęca.

8. ahurahe mazdĺ raęvatô hvarenanguhatô ameshanăm speńtanăm mithrahe vouru-gaoyaotôish râmanasca hvâstrahe,

9. hvarexshaętahe ameshahe raęvahe aurvat-aspahe, vayaosh uparô-kairyehe taradhâtô anyâish dâmăn, aętat tę vayô ýat tę asti speńtô- mainyaom, razishtayĺ cistayĺ mazdadhâtayĺ ashaonyĺ daęnayĺ vanghuyĺ mâzdayasnôish,

10. măthrahe speńtahe ashaonô verezyanguhahe dâtahe vîdaęvahe dâtahe zarathushtrôish darekhayĺ upayanayĺ daęnayĺ vanghuyĺ mâzdayasnôish zarazdâtôish măthrahe speńtahe, ushi-darethrem daęnayĺ mâzdayasnôish vaędhîm măthrahe speńtahe, âsnahe xrathwô mazdadhâtahe gaoshô-srűtahe xrathwô mazdadhâtahe,

11. âthrô ahurahe mazdĺ puthrahe tava âtarsh puthra ahurahe mazdĺ mat vîspaęibyô âterebyô, garôish ushi-darenahe mazdadhâtahe ashahvâthrahe,

12. vîspaęshăm ýazatanăm ashaonăm mainyavanăm gaęthyanăm, ashâunăm fravashinăm ukhranăm aiwithűranăm paoiryô-tkaęshanăm fravashinăm nabânazdishtanăm fravashinăm xshnaothra ýasnâica vahmâica xshnaothrâica frasastayaęca!

13. (zôt,)
    ýathâ ahű vairyô zaotâ frâ-mę mrűtę,
    (râspî,)
    ýathâ ahű vairyô ýô zaotâ frâ-mę mrűtę, (zôt,)
    athâ ratush ashâtcît haca frâ ashava vîdhvĺ mraotű. ashem vohű...(3).

14. xshnaothra ahurahe mazdĺ tarôidîte angrahe mainyęush, haithyâvarshtăm hyat vasnâ ferashôtemem. ashem vohű...(3)!

15. ýathâ ahű vairyô athâ ratush ashâtcît hacâ
    vanghęush dazdâ mananghô shyaothananăm anghęush mazdâi
    xshathremcâ ahurâi â ýim drigubyô dadat vâstârem(4)!!

[NEXT]